المواطن
09-05-2007, 03:07 AM
ياقصيدي تحيزم واتـك تكيـة عقيـد = دون ربعه ثنـى الركبـة وثارفشقـه
وعن حدود الشمال اصدح بعذب النشيد = وعن امير الشمال اقصد بليـا ورقـة
ياقصيـدي طلبتـك يازعيـم القصيـد = جمّل الشاعـر اللـي جادلـك بعرقـه
هات لي من سمان الحرف صيدٍ جديد = وسق سحاب المعاني من عروقي سقه
ماني الشافعي حتى استحي مـن لبيـد = شاعرٍ غصب عني والقصيد اعشقـه
قبلي حسان ثابت كـان شعـره فريـد = فـوق كفـار مكـة نيشنـه واطلقـه
ياوطنـا فديتـك عـل عمـرك مديـد = يامـداد الفخروالمـجـد يامشـرقـه
انت لك بالمعالي مجـد ماضـي تليـد = من نزل وحي ربي والرسـول نطقـه
من ترابك تحرّك خالـد بـن الوليـد = لين جيش النصارى واليهـود سحقـه
ياوطنا فديتـك والسعـد لـه رصيـد = يـوم عبدالعزيـز بناظريـه ارمـقـه
لادخـل جامعـات ولاتعيّـن معـيـد = ولّفوا 1000منهج مـن درر منطقـه
وياسلامي على اللي حبهـم بالوريـد = وقدرهـم بالمحانـي وردتـه مورقـه
الملوك العريبـة جـد وابـن وحفيـد = نسـل امـامٍ مجاهـد ماثنـى بندقـه
مرحبـا بالمليـك اليعربـي الرشيـد = ابومتعب تبـارك ربـه اللـي خلقـه
لابغيتـه رفيـق ولابغيـتـه شـديـد = للعدومـاأشـده للـخـوي مارفـقـه
أشهد انه على المجرم يدينـه حديـد = وشارب اللي يبالـط بالحـدب يحلقـه
واشهدانه على المحتاج عيـدٍ سعيـد = واشهد انـه رقيـقٍ دمعتـه تسبقـه
واشهد انه سحابٍ هـل والقـاع بيـد = وقبقب العشب وازهر من كثر ماغرقه
اشهد انـه محنـك ذو قـرارٍ سديـد = لانفتح بـاب فتنـة سكّـره واغلقـه
واشهدانه سياسي شوف فكـره بعيـد = واشهد انه مليـكٍ عنـد شعبـه ثقـة
واشهد انْ له عضيدٍ نِعْم نِعْم العضيـد = إيه سلطان هذا اللـي جلـس بشنقـه
آبوخالـد لحالـه بالعطـايـا وحـيـد = منهو يحصي لنا اللي جادبـه وانفقـه
ياوطنـا تدلـل واطلـب اللـي تريـد = دام ربـي مكانـك ميّـزه وافـرقـه
بلـدةٍ طيّـة والــرب ربٍ حمـيـد = وحاكميـنٍ بشرعـه والعطـا مغدقـه
عل منهـو يكيـدك ربنـا لـه يكيـد = وعل منهـو نوابـك نيّتـه تسحقـه
وعل يرجع وينـدم كـل خبـلٍ بليـد = عن سماع الهدى والحق صابه صقـه
يحسبنـه ليافجّـر تـوفـى شهـيـد = أمحقه مـن توجـه أمحقـه أمحقـه
وعل يرجع ويندم كـل غـاوي عنيـد = راعـي العلمنـة والفسـق والزندقـة
اللي بالغـرب والكفـار دايـم يشيـد = لعبةٍ فـي كفـوفٍ سـود مستشرقـه
مشكلتنا من الصنفين عمـرو ويزيـد = اللي سندان واللـي للأسـف مطرقـة
العدو مـن تنطعهـم هـو المستفيـد = صنف من غير وعي وصنف مسترزقة
ياوطنا تـرى حبـك لشعبـك رصيـد = حتى لوسوق الاسهم شلحّـه وسرقـه
سوقٍ اودع بَعَضنا مثل حب الحصيـد = وبَعْضنا شيّـب بعينـه قبـل مفرقـه
وبعضنا لوضحك بالوجـه ماهوسعيـد = الديون ارثعـت بـه والفقـر يبحقـه
والامل في ملكنا جعـل عمـره مديـد = والاّ الانسـان ربـه كافـلٍ يـرزقـه
ياوطنا أخيـرا هـاك بيـت القصيـد = يامـداد الهـدى والحـق يامشـرقـه
لك عيالي ومالي قل لي هل من مزيد؟ = إيه راسـي فـداك اليـوم لوتشنقـه
صغتلك ياوطنا مـن ضميـري نشيـد = شاعره يفتخر به يـوم جـف عرقـه
الشاعر/ حسين خليف البليهي العنزي
وعن حدود الشمال اصدح بعذب النشيد = وعن امير الشمال اقصد بليـا ورقـة
ياقصيـدي طلبتـك يازعيـم القصيـد = جمّل الشاعـر اللـي جادلـك بعرقـه
هات لي من سمان الحرف صيدٍ جديد = وسق سحاب المعاني من عروقي سقه
ماني الشافعي حتى استحي مـن لبيـد = شاعرٍ غصب عني والقصيد اعشقـه
قبلي حسان ثابت كـان شعـره فريـد = فـوق كفـار مكـة نيشنـه واطلقـه
ياوطنـا فديتـك عـل عمـرك مديـد = يامـداد الفخروالمـجـد يامشـرقـه
انت لك بالمعالي مجـد ماضـي تليـد = من نزل وحي ربي والرسـول نطقـه
من ترابك تحرّك خالـد بـن الوليـد = لين جيش النصارى واليهـود سحقـه
ياوطنا فديتـك والسعـد لـه رصيـد = يـوم عبدالعزيـز بناظريـه ارمـقـه
لادخـل جامعـات ولاتعيّـن معـيـد = ولّفوا 1000منهج مـن درر منطقـه
وياسلامي على اللي حبهـم بالوريـد = وقدرهـم بالمحانـي وردتـه مورقـه
الملوك العريبـة جـد وابـن وحفيـد = نسـل امـامٍ مجاهـد ماثنـى بندقـه
مرحبـا بالمليـك اليعربـي الرشيـد = ابومتعب تبـارك ربـه اللـي خلقـه
لابغيتـه رفيـق ولابغيـتـه شـديـد = للعدومـاأشـده للـخـوي مارفـقـه
أشهد انه على المجرم يدينـه حديـد = وشارب اللي يبالـط بالحـدب يحلقـه
واشهدانه على المحتاج عيـدٍ سعيـد = واشهد انـه رقيـقٍ دمعتـه تسبقـه
واشهد انه سحابٍ هـل والقـاع بيـد = وقبقب العشب وازهر من كثر ماغرقه
اشهد انـه محنـك ذو قـرارٍ سديـد = لانفتح بـاب فتنـة سكّـره واغلقـه
واشهدانه سياسي شوف فكـره بعيـد = واشهد انه مليـكٍ عنـد شعبـه ثقـة
واشهد انْ له عضيدٍ نِعْم نِعْم العضيـد = إيه سلطان هذا اللـي جلـس بشنقـه
آبوخالـد لحالـه بالعطـايـا وحـيـد = منهو يحصي لنا اللي جادبـه وانفقـه
ياوطنـا تدلـل واطلـب اللـي تريـد = دام ربـي مكانـك ميّـزه وافـرقـه
بلـدةٍ طيّـة والــرب ربٍ حمـيـد = وحاكميـنٍ بشرعـه والعطـا مغدقـه
عل منهـو يكيـدك ربنـا لـه يكيـد = وعل منهـو نوابـك نيّتـه تسحقـه
وعل يرجع وينـدم كـل خبـلٍ بليـد = عن سماع الهدى والحق صابه صقـه
يحسبنـه ليافجّـر تـوفـى شهـيـد = أمحقه مـن توجـه أمحقـه أمحقـه
وعل يرجع ويندم كـل غـاوي عنيـد = راعـي العلمنـة والفسـق والزندقـة
اللي بالغـرب والكفـار دايـم يشيـد = لعبةٍ فـي كفـوفٍ سـود مستشرقـه
مشكلتنا من الصنفين عمـرو ويزيـد = اللي سندان واللـي للأسـف مطرقـة
العدو مـن تنطعهـم هـو المستفيـد = صنف من غير وعي وصنف مسترزقة
ياوطنا تـرى حبـك لشعبـك رصيـد = حتى لوسوق الاسهم شلحّـه وسرقـه
سوقٍ اودع بَعَضنا مثل حب الحصيـد = وبَعْضنا شيّـب بعينـه قبـل مفرقـه
وبعضنا لوضحك بالوجـه ماهوسعيـد = الديون ارثعـت بـه والفقـر يبحقـه
والامل في ملكنا جعـل عمـره مديـد = والاّ الانسـان ربـه كافـلٍ يـرزقـه
ياوطنا أخيـرا هـاك بيـت القصيـد = يامـداد الهـدى والحـق يامشـرقـه
لك عيالي ومالي قل لي هل من مزيد؟ = إيه راسـي فـداك اليـوم لوتشنقـه
صغتلك ياوطنا مـن ضميـري نشيـد = شاعره يفتخر به يـوم جـف عرقـه
الشاعر/ حسين خليف البليهي العنزي