نص اهل النظيم جاهم ربو و السبب الندوه

[dr.dear]

بسم الله الرحمن الرحيم
تتزايد الكثافة السكانيه يوما بعد يوم في حي النظيم ،ويتزايد معها عدد المتنزهين في الشوارع ، ان اول مايحضر الى فكر الشخص عندما يريد ان يخرج مع ابنائه الى نزهه قصيره لفترة الغداء مثلا اوالعشاء ، ياام فلان خلصي غداتس نبي نتغدا بالندوه ، ولا لاتسوين غدا انا ابي اجيب نص حبه مع الرز ونبي نتغدا بمخطط ابن باز ، ياجماعه هل يعقل حي بحجم النظيم الذي يحتوي في طياته ( النظيم ، سلطانه ، الندوه ، حي الجبل ، مخطط ابن باز ، الجنادريه ان صح التعبير ) وبكل كثافته السكانيه لايحتوي على قطعة ثيل متر في متر ، وين اللي انتخبناهم بالبلديه ، وين اللي يبون يطالبون بتطوير الحي ولا خلاص نسينا ماكلينا ، نريد بكل صراحه حديقه على قدنا ياااهل النظيم ،حديقه صغيرونه ، ليه لا ،نبي نطلع ناكل بخاري بدون غبار ، نص اهل النظيم صار عندهم ربو من هالمخططات والغبار اللي فيها ، نبي ملعب كوره لهالصغيرين ونبي مليعب طايره على قدنا ومضمار مشي مثل اللي موجود بالروضه ، ولا هم على روسهم ريشه .


تحياتي لكم

[$$المليونير$$]

لا ياخوي النظيم ماهو موجود في الخريطه ( مهمشين ) اقولها وبكل صراحه لماذ ؟؟؟؟

الان جابو بنده زين انهم جابو بنده

لاكن لماذا لايجيبون مركز كامل مثل مركز صحارى بلازا

تحياتي لك

[dr.dear]

اما صحارى بلازا كثر لي منها . منهو يبي يجي يشتري من صحارى النظيم
عموما مشكور على مرورك وردك
تحياتي لك

[أبو راكان]

والله إنك صادق يا دكتور ,, لنا الله ..

[محترف]

بالله عليك تبي تسوي منتزة بالنظيم ( حكم عقلك ) والله راح يحولونه مكان لبيع الحبوب وراح تشوفه خلال

سنه فقط تحول من منتزة الى حراج لبيع الأغنام.

يا أحبائي نحن لابد لنا من تثقيف اهل الحي قبل ان نطالب الحكومة بكل شئ!!!!؟

لو الحكومة تسوي منتزة من ذهب لأهل النظيم تجي بعد سنه تلقاه خرابه.

سألني مرة واحد من الزملاء ليس من اهل النظيم وقال ( ياخوي انا ماشوف عندكم ٌطاوة بالنظيم؟؟ الجواب عندك......؟ وهذي هي قطاوة يعني كيف لوغيرها!!!!

[dr.dear]

محترف مشكلتنا بالنظيم هي السلبيه وعدم المطالبه بأشياء نحن في حاجه لها في حينا ، شوف الاحياء الثانيه يعني مافيها حدائق خرابه ، الا فيها واصبحت خرابه من اهلها ،اهل النظيم ماهام سيئين الى درجه مانقدر نحط لهم شي ، خلنا نجرب مثلنا مثل غيرنا بالاحياء الثانيه ،يااخي نبي الممثلين في المجالس البلديه ، لازم يتحركون ، مو معقوله ان النظيم ماتوجد فيه وسيلة ترفيه حكوميه ابدا ،،،،،

[ملك القلوب]

اشكـــــــرك

[dr.dear]

شكرا لك على قراءة موضوعي وردك عليه

[صوت المحبره]

بالله عليك تبي تسوي منتزة بالنظيم ( حكم عقلك ) والله راح يحولونه مكان لبيع الحبوب وراح تشوفه خلال

سنه فقط تحول من منتزة الى حراج لبيع الأغنام.

يا أحبائي نحن لابد لنا من تثقيف اهل الحي قبل ان نطالب الحكومة بكل شئ!!!!؟

لو الحكومة تسوي منتزة من ذهب لأهل النظيم تجي بعد سنه تلقاه خرابه.

سألني مرة واحد من الزملاء ليس من اهل النظيم وقال ( ياخوي انا ماشوف عندكم ٌطاوة بالنظيم؟؟ الجواب عندك......؟ وهذي هي قطاوة يعني كيف لوغيرها!!!!


من اسباب تثقيف الحي والرقي بفكر ابناءه


هو وجود مرافق فيه

سواء كانت عامه ام خاصه


فـ وجود المطاعم الكبيره في الحي تساهم في تطور اهله


ووجود المنتزهات يساهم كذلك


وفكرة الحبوب هذي يا حبيبي شيلوها من روسكم


اهل الحي مو لهالدرجه


ولا فيه حي من احياء الرياض خاااالي من هالبلاوي

لكن النظيم [ ماهو مسنود ] عشان كذا انشروا غسيله !!



والاشخاص المناطين بالمطالبه ملتفتين لمشاريعهم الخاصه وحسب !!


،
،

أعتذر ع المداخله حبيبي

ولي عوده للتعليق ع الموضوع الاصلي

[الشـــــرقي998]

( النظيم ، سلطانه ، الندوه ، حي الجبل ، مخطط ابن باز ، الجنادريه ان صح التعبير )


ياخي /نبي طريـــــق نســـــلم من الشـــــــحنات وزحمـــــــــة الوايتــــــــــــــات والانـــــــــــــاره الذي صــــارلـــــــــه سنــــــــه ونصف


والاعمــــــــــده راكبـــــه ولاتعمـــــــل وين الرقابــــــــه الطرق ؟؟؟؟؟؟





ليــــــــش (((مدخــــــل الريــــــارض الشـــرقي))) هكذاء من المفروض ورود وزهار مسطحـات خضراء نوافيـر مناظر على جانب الطريق



من شمال وشرق وكل الاتجاهات

وشــــــــــــــــكر

[dr.dear]

تحيه لك اخي الشرقي

[خواطرمبعثره]

<<<<<<لاتعليق>>>>>>>

[الراصد]

بصفتي احد اعيان امانه الرياض...
النظيم خلال عشؤ سنوات قادمه سيندثر بسبب الاحياء الجديده المقامه حوله والتي ستقام في وقت لاحق..
فمع مرور الزمن سيصبح النظيم غائبا كليا بعد قيام العمران بحي النداوه وابن ابز ومخططات التي عملت وستعمل خلف سور الحرس..
النظيم لن يطوره سوى اهله وسكانه..علينا اولا ان نتسائل لما الاناره التي عملت بطريق خريص القديم لم تعمل الى وقنا الحالي.
ايضا علينا نحن اولا سكان النظيم ان نحسن صوره الحي بالخارج
ااما مسئله المنتزهات فصدقوني راح تريح اهلنا هنا منعناء المنتزهات الي باروضه..
ثم علينا وعلى العمده مخاطبه سمو امين امانه الرياض بعمل ممشى خاص لنظيم كما فعلوا باحياء الرياض الباقيه..

تحياتي

[dr.dear]

الراصد شكرا على تعليقك

[سفير الحرية]

سبب ضعف الخدمات بالحي وعدم وجود متنزهات ولا غيره هو انه لايوجد بالحي من اهل القصيم( قصمان) مع احترامي لهم...ولكن اذهب الى احياءهم واحكم بنفسك حي الروابي والجزيرة والفيحاء
نحن في زمن الواسطات

[ميسي العرب]

اشكركم على الكلام الجميل

[فرحان العنزي]

بالله عليك تبي تسوي منتزة بالنظيم ( حكم عقلك ) والله راح يحولونه مكان لبيع الحبوب وراح تشوفه خلال

سنه فقط تحول من منتزة الى حراج لبيع الأغنام.

يا أحبائي نحن لابد لنا من تثقيف اهل الحي قبل ان نطالب الحكومة بكل شئ!!!!؟

لو الحكومة تسوي منتزة من ذهب لأهل النظيم تجي بعد سنه تلقاه خرابه.

سألني مرة واحد من الزملاء ليس من اهل النظيم وقال ( ياخوي انا ماشوف عندكم ٌطاوة بالنظيم؟؟ الجواب عندك......؟ وهذي هي قطاوة يعني كيف لوغيرها!!!!


صادق والله يامحترف ,, بكل صراحه اغلب شعب النظيم همج وخاصة الشباب والبزارين ,,

مافي تربيه صح ,, جنااااونه كلهم ,, الله يصلحهم ,,

متى ماصلح شعبنا صلح كل شي عندنا ,,


تحياتي لكم وشكرآ وكم انا مشتاق لهذا المنتدى بعد انقطاع طويل ,,