كل عام تنساني وانا اليوم ب.......

[ولد الهامور]

لاتحسبني يوم انا اطريـك مغليـك
يمكن مع سير السوالـف طريتـك

العام تنساني وانـا اليـوم ناسيـك
كلك على بعضك ترانـي نسيتـك

ماني على رجواك يازين ناصيـك
اموت في عـزي وانـا مارجيتـك

كل المشاعـر فيضهـا ماتدانيـك
دامك تشكل في غـرورك وطيتـك

كنت اتحاشى غلطتـي ماتباريـك
حتى وانا مجرووح جيت وعطيتك

اعطيتك افراح العمـر والتباريـك
وان داربك همك رحلـت ولقيتـك

واليا طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

واداعب احلامك واناجـي لياليـك
وان مرني طيفك مشيت وسريتـك

واليوم بدلـت المشاعـر تماتيـك
وأقصى ضلوعي عن هواها قصيتك

يحرم علي اليـوم بسمـك اناديـك
وش عاد لو قلتـي ترانـي فديتـك


اتمنى تعجبكمـ،،، :protest: ترى كاتبها ولد عمي في الكويت الان....وتقبلو تحيات ولد الهامور.....:g:

[نواف المصرب]

صح لسانك ولسان الشاعر


قصيده رائعه

ابحرت بها

بعيدا

ليتها لم تنته

تحياتي لك على هذا النقل

[أبوفيصل]

العام تنساني وانـا اليـوم ناسيـك
كلك على بعضك ترانـي نسيتـك
صح لسان قايلها وتسلم ياولد الهامور على القصيدة.

[عاشق النظيم]

يحرم علي اليـوم بسمـك اناديـك
وش عاد لو قلتـي ترانـي فديتـك

يعطيك العافية ،،،

لعل هذا اللفظ (يحرم علي) من المنهي عنها شرعا ،،،

جزيت خيرا ........

[هيبة ملكــ]

صح لسان ولد عمك واشكرك على هذه القصيده الجميله ولا تبخل علينا بااشعار ولد عمك الجميله
هههه هههههههههه

[المواطن]

سلمت يمنك

وصح لسان الشاعر

وننتظر المزيد والمزيد

[علي القبيل]

صح لسانك ولسان كاتبها

أشكرك على طرحك للقصيده

[.....K..S..A.....]

قصيده رائعه وصح لسان ولد عمك ويعطيك العافيه

[m a t r i x]

قصيدة رائعه
ومشكور على النقل أخوي ولد الهامور